(דברים 15:9-11)
“ השׁמר לך פן־יהיה דבר עם־לבבך בליעל לאמר קרבה שׁנת־השׁבע שׁנת השׁמטה ורעה עינך באחיך האביון ולא תתן לו
וקרא עליך אל־יהוה והיה בך חטא׃
נתון תתן לו ולא־ירע לבבך בתתך לו כי בגלל הדבר הזה יברכך יהוה אלהיך בכל־מעשׂך ובכל משׁלח ידך׃
כי לא־יחדל אביון מקרב הארץ על־כן אנכי מצוך לאמר פתח תפתח את־ידך לאחיך לעניך ולאבינך בארצך׃ ”
(מַרְקוֹס 14:7)
“ כי העניים תמיד עמכם וכשתרצו תוכלו להיטיב להם ואנכי לא־אהיה אתכם תמיד׃ ”
(אֶל־הָרוֹמִיִּים 15:26)
“ כי מקדוניא ואכיא הואילו לתרם תרומה לאביוני הקדושים אשר בירושלים׃ ”
(16:1-2 אֶל־הַקּוֹרִנְתִּיִּים I)
“ ועל־דבר גבוי הצדקה לעזרת הקדושים כאשר תקנתי לקהלות אשר בגלטיא כן תעשו גם־אתם׃
בכל־אחד בשבת איש איש מכם כאשר תשיג ידו יניח אצלו ויאצר למען אשר אבא ולא יקבץ עוד׃ ”
(9:6-8 אֶל־הַקּוֹרִנְתִּיִּים II)
“ כי הנה הזרע בצמצום יקצר בצמצום והזרע בברכות יקצר בברכות׃
וכל־איש כאשר ידבנו לבו לא־בעין רעה ולא לאנסו כי הנתן בלב שמח יאהב אתו אלהים׃
ואלהים יכל להשפיע עליכם חסד שיהיה לכם בכל־עת די ספוקכם בכל ותותירו בכל־מעשה טוב׃ ”